Wed, May12, 2021

மேஷம்

ரிஷபம்

மிதுனம்

கடகம்

சிம்மம்

கன்னி

துலாம்

விருச்சிகம்

தனுசு

மகரம்

கும்பம்

மீனம்

Latest Posts

பாலாஜி முருகதாஸுக்கு கமல் கொடுத்த அட்வைஸ்

ரசிகர்கள் ஆவலோடு எதிர்பார்த்த பிக் பாஸ் நிகழ்ச்சி கடந்த வாரம் 16 போட்டியாளர்களுடன் தொடங்கியது. தொடங்கிய முதல் நாளில் இருந்தே போட்டியாளர்கள் ஒருவருக்கு ஒருவர் மாறி மாறி சண்டையிட்டு வரும் நிலையில் நேற்றைய தினம் சனம் ஷெட்டிக்கும் பாலாஜி முருகதாஸுக்கும் இடையே மோதல் வெடித்தது.

கார்டன் ஏரியாவில் ஹவுஸ்மேட்ஸ் அனைவரும் பேசிக் கொண்டிருந்த சமயத்தில் பாலாஜி சனம் இருந்த pageantயை டுபாக்கூர் என்று கூறவே அதில் இருந்து இந்த சண்டையானது முதலில் உருவானது.

அதைத் தொடர்ந்து வீட்டிற்குள் வந்த பாலாஜியிடம் இது பற்றி சனம் முறையிடவே நான் உங்களை குறிப்பிட்டு தாக்கவில்லை என்று அவருக்கு விளக்கம் அளித்தார். ஆனால் அதை ஏற்க மறுத்த சனம் எங்களது pageant மூலம் பல திறமையான மாடல்கள் உருவாக்கப்பட்டுள்ளனர் என்று வாதிட்டார்.

இதைத்தொடர்ந்து பாலாஜி அவர்கள் நான் உங்களது pageantயை டுபாக்கூர் என்று இந்த பிக்பாஸ் வீட்டை விட்டு வெளியே வந்து உங்களுக்கு நிரூபித்துக் காட்டுகிறேன் என்று சவால் விட தொடங்கினார்.

இந்நிலையில் வார இறுதி நாளான இன்று இந்த சம்பவம் குறித்து உலகநாயகன் கமல்ஹாசன் அவர்கள் தனது கருத்தை தெரிவித்துள்ளார்.

அதில் ஒருவருடைய சாதனையை உதாசீனப்படுத்துவது தவறு என்று குறிப்பிட்டு பேசிய கமல் உங்களுடைய பாடிபில்டிங் துறையில் உங்கள் உடம்பை கட்டுக்கோப்பாக வைத்துக் கொள்வதற்கு நீங்கள் எடுத்துக்கொண்ட பயிற்சிகள் நிறைய இருக்கலாம்.

ஆனால் அதை யாரேனும் உங்களிடம் ‘இது சர்வ சாதாரணம் ஊசி போட்டால் வந்துவிடப் போகிறது’ என்று உதாசீனப் படுத்தினால் உங்களுக்கு எவ்வாறு இருக்கும் என்று கேள்வி எழுப்பினார்.

அதைத் தொடர்ந்து பேசிய கமல், சனம் பெரிதாக நினைக்கும் ஒரு ஷோவினை நீங்கள் அவ்வாறு பேசிய போது அவர்களது மனம் புண்பட்டு இருக்கும் என்று சனமிற்கு ஆதரவாக பேசினார்.

மேலும் நீங்கள் கூறிய டுபாக்கூர் என்ற வார்த்தைக்கு உங்களுக்கு அர்த்தம் தெரியுமா என்று பாலாஜி முருகதாஸிடமே கேள்வி எழுப்பினார்.

அதற்கு பாலாஜி தெரியாது என்று தலையசைக்கவே, கமல் அதற்கு அர்த்தம் ஒன்றும் கிடையாது என்றும் தும்மல் இருமல் போன்று சடாரென்று வெளிப்படும் ஒரு வார்த்தை என்று விளக்கினார்.

மேலும் கமல், போலியானது என்பதற்கு டுபாக்கூர் என்ற சொல் சென்னை மொழியில் பொருளாக இருக்கக்கூடும் என்றும் கூறினார். கமலின் இந்த பேச்சு பாலாஜி முருகதாஸின் தவறை வெளிப்படையாக சுட்டிக்காட்டுவது போல் இருந்தது குறிப்பிடத்தக்கது.

ஒவ்வொரு வாரமும் பிக் பாஸ் வீட்டில் இருந்து ஒருவர் நாமினேட் ஆகி வெளியேற்றப்படுவது வழக்கம். ஆனால் இது முதல் வாரம் என்பதால் போட்டியாளர்களுக்கு எவிக்சன் நடைமுறையில் இருந்து விலக்கு அளிக்கப்பட்டுள்ளது குறிப்பிடத்தக்கது.

மேலும் செய்திகளை உடனுக்குடன் படிக்க, கொழும்பு தமிழ் Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

சமூக ஊடகங்களில் கொழும்பு தமிழ்:

கொழும்பு தமிழ் ஃபேஸ்புக்
கொழும்பு தமிழ் ட்விட்டர்
கொழும்பு தமிழ் இன்ஸ்டாகிராம்
கொழும்பு தமிழ் டெலிகிராம்
கொழும்பு தமிழ் யு டியூப்

Get all the Latest Sir Lanka Tamil News and Tamil World News at Colombo Tamil. You can also catch all the latest Tamil Entertainment News by following us on Twitter and Facebook. also Download Our News App in Google Play Store.

Latest Posts

சினிமா

x