சினிமா

பாக்ஸர் படத்துக்காக அருண்விஜய் துணிந்த எடுத்த முடிவு!

அருண் விஜய் நடிப்பில் மாஃபியா சாப்டர் 1 படம் அண்மையில் வெளியாகி, திரையரங்குகளில் ஓடிக் கொண்டிருக்கிறது.

கிளைமாக்ஸ் காட்சியில் கொடுத்த ட்விஸ்ட் ரசிகர்களிடமும் பொதுமக்களிடமும் நல்ல வரவேற்பை பெற்றுள்ளது. இந்த படத்தைத் தொடர்ந்து, அருண் விஜய் கைவசம் மூன்று படங்கள் உள்ளன.

அதில் பாக்ஸர் படத்தில் அவர் மூன்று விதமாக தோற்றங்களில் வரவுள்ளார் என தகவல் வெளியாகியுள்ளது.

அக்னி சிறகுகள், சினம் ஆகிய படங்களுக்கான வேலைகள் சீராக சென்றுகொண்டிருக்கும் போது, அதற்கு முன்னரே ஆரம்பிக்கப்பட்ட பாக்ஸர் படம் இன்னும் ஷூட்டிங் தொடங்காமல் இருக்கிறது.

இந்தநிலையில் தான், இந்த படத்தில் அருண் விஜய் ரிஸ்க் எடுக்க தயாராகியிருப்பதாக தெரியவந்துள்ளது.

பாக்ஸர் படத்துக்காக மூன்று விதமான தோற்றங்களில் அருண்விஜய் நடிக்கிறாராம். மூன்று தோற்றங்களிலும் உடலின் தோற்றம் வித்தியாசமானதாக இருக்குமாம்.

ஃபிட்டான உடலுடன் ஒரு தோற்றம், மெலிதான ஒரு தோற்றம் என மூன்றும் வித்தியாசமானதாக இருக்கும் என கூறப்படுகிறது.

இயக்குநர் பாலாவிடம் உதவி இயக்குநராக பணியாற்றிய விவேக் இந்த படத்தை இயக்குகிறார். அருண்விஜய் ஜோடியாக, ரித்திகா சிங் நடிக்கிறார். இசை இமான்.

பாக்ஸர் படத்துக்காக மலேசியா மற்றும் வியட்நாம் உள்ளிட்ட நாடுகளுக்கு சென்று பாக்ஸிங் கற்று வந்துள்ளார் அருண்விஜய்.
இந்த படத்தின் ஸ்டண்ட் மாஸ்டர் பீட்டர் ஹெய்ன் என்பதால் படத்தின் சண்டைக் காட்சிகளில் அனல் தெறிக்கும் என நம்பலாம்.

விரைவில் இந்த படத்தின் படப்பிடிப்பு தொடங்கும் எனவும், ஒரே கட்டமாக பெரும்பாலான காட்சிகள் எடுக்கப்பட்டுவிடும் எனவும் கூறப்படுகிறது.

சுட சுட சுவரஸ்யமான தகவல்களுடன் கொழும்பு தமிழ் மொபைல்ஆப்! இங்க கிளிக் செய்யுங்கள்.

Tags
Show More

Leave a Reply

Your email address will not be published. Required fields are marked *

Back to top button
x
Close
Close